തൃശൂര്‍: ചേലക്കരയില്‍ എല്‍ഡിഎഫ് സ്ഥാനാര്‍ത്ഥി യു ആര്‍ പ്രദീപ് മുന്നേറ്റത്തില്‍ ഫേസ്ബുക്ക് പോസ്റ്റുമായി കെ രാധാകൃഷ്ണന്‍ എംപി. ‘ചെങ്കോട്ടയാണ് ഈ ചേലക്കര’ എന്നാണ് ഉപതിരഞ്ഞെടുപ്പ് ഫലങ്ങള്‍ പുറത്തുവന്നുകൊണ്ടിരിക്കെ അദ്ദേഹം കുറിച്ചത്. 10,000 വോട്ടുകള്‍ക്കാണ് യു ആര്‍ പ്രദീപ് ലീഡ് ചെയ്യുന്നത്.
കഴിഞ്ഞ 28 വര്‍ഷമായി എല്‍ഡിഎഫിനൊപ്പം നില്‍ക്കുന്ന മണ്ഡലമാണ് ചേലക്കര. താന്‍ നൂറുശതമാനം കോണ്‍ഫിഡന്റ് ആണെന്നും വിജയ പ്രതീക്ഷയുണ്ടെന്നും യു ആര്‍ പ്രദീപ് വോട്ടെണ്ണല്‍ തുടങ്ങുന്നതിന് മുമ്പ് പ്രതികരിച്ചിരുന്നു. നല്ല കോണ്‍ഫിഡന്‍സോടെയാണ് വീട്ടില്‍ നിന്നിറങ്ങുന്നതെന്നും നല്ല ഭൂരിപക്ഷമുണ്ടാകുമെന്നും അദ്ദേഹം മാധ്യമങ്ങളോട് പറഞ്ഞിരുന്നു.
