120000 ബാരൽ ഇന്ധനം ദിനംപ്രതി ഉല്പാദിപ്പിക്കുന്ന പ്ലാന്റിൽ നിന്നുള്ള പെട്രോളും, ഡീസലും, രാജ്യത്തെ ഇന്ധന ഉപഭോഗത്തിന്റെ 10%തിലധികവും, വിക്ടോറിയയിലെ 50% തിലധികവും വരുമെന്നതും ആശങ്ക വർധിപ്പിക്കുവാൻ ഇടയാക്കിയിട്ടുണ്ട്. ഓസ്‌ട്രേലിയയിലങ്ങോളമിങ്ങോളമുള്ള 1300 ഓളം ഷെൽ പെട്രോൾ പമ്പുകളിൽ ഇന്ധനമെത്തിച്ചിരുന്നത് ഈ സംസ്കരണകേന്ദ്രത്തിൽ നിന്നാണ്.

തീപിടിച്ച യൂണിറ്റുകളിൽ നിന്നും എൽപിജി വാതകങ്ങൾ ഗ്യാസോലിൻ ഘടകങ്ങളാക്കി മാറ്റുന്ന പ്രക്രിയയാണ് നടന്നുവരുന്നതെന്ന് റിഫൈനറി മാനേജർ ബിൽ പാറ്റേഴ്‌സാണ് അറിയിച്ചു. മിഡിലീസ്റ്റ് മേഖലയിലെ യുദ്ധത്തിന്റെ പശ്ചാത്തലത്തിൽ രാജ്യത്താകമാനമുള്ള ഇന്ധനക്ഷാമത്തിന്റെ സമയത്തുതന്നെ എണ്ണ ശുദ്ധീകരണശാലയിലുണ്ടായ ഈ തീപിടുത്തം ഓസ്‌ട്രേലിയക്കുണ്ടാക്കുന്ന നഷ്ടം ചെറുതായിരിക്കില്ലെന്നും വൺ നേഷൻ പാർട്ടി നേതാവ് പോളിങ് ഹാൻസൺ സൂചിപ്പിച്ചു.