യുദ്ധത്തിന്റെ പശ്ചാത്തലത്തിൽ ആഗോളതലത്തിൽ ക്രൂഡോയിലിന്റെ വില ക്രമാതീതമായി ഉയർന്ന സാഹചര്യത്തിൽ രാജ്യത്തുടനീളം പെട്രോൾ/ഡീസൽ വിലയിൽ വന്ന വർദ്ധനവിന് ആശ്വാസം നൽകുവാൻ ഫെഡറൽ സർക്കാർ എക്സൈസ് തീരുവ വെട്ടിക്കുറച്ചു. ഇതനുസരിച്ച് 52 സെന്റിലേറെയുണ്ടായിരുന്ന  ടാക്സ് നേർ പകുതിയാക്കി. ഇതോടെ ഏപ്രിൽ ഒന്ന് മുതൽ 26.3 സെന്റ് മാത്രമായിരിക്കും ടാക്സ്. മൂന്നുമാസത്തേക്കാണ് ഈ കുറവ് ഇപ്പോൾ പ്രഖ്യാപിച്ചിരിക്കുന്നത്.

അതുപോലെതന്നെ രാജ്യത്തെ വലിയ വാഹനങ്ങൾക്ക് ഏർപ്പെടുത്തിയിരിക്കുന്ന റോഡ് യൂസേഴ്സ് ഫീസ് പരിപൂർണ്ണമായും എടുത്തുകളയുന്നതിനും സർക്കാർ  തീരുമാനിച്ചു. പുതിയ തീരുമാനം രാജ്യത്തെ എല്ലാ സംസ്‌ഥാന സർക്കാരുകളും ടെറിട്ടറികളും അംഗീകരിച്ചെന്നും, അതിനാൽ രാജ്യത്തുടനീളം  ഏപ്രിൽ 1 മുതൽ മൂന്നു മാസത്തേക്ക് പെട്രോൾ/ഡീസൽ വിലയിൽ ഗണ്യമായ വിലക്കുറവ് ഉണ്ടാകുമെന്നും പ്രധാനമന്ത്രി ആന്റണി ആൽബനിസി അറിയിച്ചു.

എന്നാൽ ലെവി കുറക്കുന്നതോടെ വരാണെന്നിരിക്കുന്ന ഫെഡറൽ ബജറ്റിനെ ദോഷകരമായി ബാധിക്കുമെന്ന ആശങ്ക പൊതു സമൂഹത്തിനുണ്ട്. ഇതിനകംതന്നെ പണപ്പെരുപ്പ നിരക്കിനെ തുടർന്ന് റിസർവ് ബാങ്ക് പലിശ ഉയർത്തിവരുന്ന സാഹചര്യത്തിൽ  തുടർന്നും അത്തരം  പലിശനിരക്ക് വർദ്ധനവ് ഉണ്ടാകുമോ എന്ന ആശങ്ക നിലനിൽക്കുകയാണ്.